कुन समय र कति पिउने कफी ?

महिला स्वास्थ्य

२०७६ पुष २४ बिहिबार

फेसबुक , जनाइएको , शेर्पा

काठमाडौं- विशेष गरी शहरी जीवनमा दिनको सुरुवातको अत्यावश्यक चिज बन्दै गएको कफीको प्रियता बिस्तार हुँदैछ । कफी मानव स्वास्थ्यका लागि फाइदाजनक छ ।

 यसले दुखाई कम गर्ने, फाइबरको इनटेक बढाउने, कलेजोको सिरोसिसबाट जोगाउने, टाइप टू डाइबिटिजको जोखिम कम गर्ने, अल्जाइमरको जोखिम कम गर्ने, डिप्रेसन तथा आत्महत्या गर्ने मनसाय हटाउने, पार्किन्सनबाट जोगाउने तथा मुटु सम्बन्धी रोगको जोखिम कम गर्दछ ।

प्रायजसो मानिस तनाव र थकानबाट मुक्त रहन कफी पिउने गर्छन्। कफी पिउने वित्तिकै फ्रेस भएको महशुस गर्छन् पनि । त्यसैले कफी पारखीहरु आफू मात्र नभएर अरुलाई पनि फ्रेस रहन कफी पिउन सल्लाह दिन्छन्।

तर सुत्‍नुअघि कफी पिउँदा निन्द्रा नलाग्ने समस्या निम्तिने विशेषज्ञहरु बताउँछन्। मसलादार चीज या कफी पिउँदा निन्द्रा नलाग्ने समस्या देखिने हुँदा बिर्सेर पनि रातिको समयमा कपी नपिउन विज्ञहरुको सल्लाह छ। 

विज्ञका अनुसार १० ग्राम कफीमा ४ मिलि ग्राम क्याफिन हुन्छ। यसले शरीरमा दुई घन्टासम्म असर गर्छ ।बढी मात्रामा चिया वा कपी पिउँदा पेट पोल्ने र दुख्ने समस्याले सताउने गर्छ। यो समस्या पछि गएर ग्याष्ट्रिकको रुपमा देखापर्ने हुन्छ। जसले गर्दा लामो समयसम्म औषधि सेवन गर्नुपर्ने हुन्छ।

त्यसैले यदि कफी पिउने आदत नै छ भने पनि सुत्नुभन्दा अघि नपिउनुहोस्। रातिको सट्टा दिउँसो पिउनुहोस। विज्ञका अनुसार दिनमा ३र४ कप कफी पिउनु सामान्य नै मानिन्छ। तर हाई कोलेस्ट्रोलको समस्या भएकाहरु र गर्भवतीले भने दिनमा १ कप भन्दा बढी कफी पिउनुहुँदैन।

Loading...
Loading...

Add New Comment

Name: Email Address:
Enter your comment