निमोनियाको खोप कसले लगाउने ?

महिला स्वास्थ्य

२०७७ कार्तिक २५ मंगलबार

फेसबुक , जनाइएको , शेर्पा

काठमाडौं - निमोनिया रोग ब्याक्टोरियाबाट संक्रमित हुने रोग हो । जसले मानिसको फोक्सो रगत र दिसामा गम्भिर असर पार्छ । २ बर्ष भन्दामुनिका बालबालिका सबैभन्दा बढि निमोनियाको जोखिममा पर्ने गर्छन् । 

निमोनियाका मुख्य लक्षण 

खोकी लाग्न सक्छ ।

श्वासप्रश्वास दर बढ्छ ।

श्वास फेर्न कठिन हुनसक्छ ।

छातीको तल्लो भागमा रहेका मांसपेशी भित्र पस्न सक्छ । छाँती दुख्छ ।

ज्वरो आउन सक्छ ।

साना बालबालिकाहरुले आमाको दुध चुस्न खानेकुरा खान सक्दैनन् ।

गम्भीर संक्रमण भएमा बालबालिकाहरू बेहोस हुने, कम्पन आउने, शरीरको तामक्रम कम पनि हुन सक्छ ।

निमोनिया जटिलता भएमा

शरीरभर संक्रमण फैलिन सक्छ ।

फोक्सोको झिल्ली भित्र पानी वा पिप भरिन सक्छ ।

फोक्सोमा पिप भरिन सक्छ ।

उपचार 

निमोनिया भएमा ढिलो नगरी चिकित्सक वा स्वास्थ्यकर्मीको सल्लाहमा एन्टिबायोटिक औषधिद्धारा उपचार गर्नुपर्छ । आफूखुशी औषधि किनेर खानु हुँदैन् ।
गम्भीर खालको निमोनिया छ भने अस्पतालमा भर्ना गरी उपचार गर्नुपर्छ । नेपाल सरकारले आईएमएनसीआई कार्यक्रम मार्फत बालबालिकाको उपचारलाई सहज बनाएको छ ।

निमोनियाको खोप कसले लगाउने ?

२ बर्ष भन्दामुनिका बालबालिका 

६५ बर्षदेखि माथिका सबै जेष्ठ नागरिक 

२ बर्ष भन्दा माथिका केहि मेडिकल अवस्था भएका मानिसहरु जस्तै मुटुको रोग, दम, मधुमेह इत्यादि 

६५ बर्ष मुनिका प्रतिरक्षा प्रणाली कम भएमा जस्तै एचआइभि अंग प्रत्यारोपण र क्यान्सरका बिरामीहरु 

त्यस्तै पर्याप्त मात्राको पोषणले बालबालिकाहरुको रोगसंग लड्न सक्ने क्षमतामा बृद्धि गर्दछ । कुपोसित बालबालिकालाई संक्रमणको सम्भावना बढी हुन्छ । आमाको दुध र थप आहार प्रसस्त खुवाउनु पर्छ ।

महिला स्वास्थ्य

Loading...
Loading...

Add New Comment

Name: Email Address:
Enter your comment