काठमाडौं । प्रायः कार्यालय र त्यसमा पनि कम्प्युटरमा काम गर्नेहरुले आजकल बढि मात्रामा कफीको सेवन गर्दछन् । चियाको स्वाद र तलतल मेटाउन मानिसले दिनहु कफीको सेवन गर्दै आएका छन् । तर के कफी सेवनको फाइदा छ त ?
तुलनात्मक रुपमा जाडो याममा धेरै मानिसले कफी पिउने गर्दछन् । जाडो मौसममा नियमित कफी पिउनाले शरीरमा गर्मीपन बढाउँछ । कफीमा ‘क्याफिन’ हुन्छ । क्याफिन धेरै भयो भने शरीरलाई बेफाइदा गर्छ । तर ठिक्क हुँदा भने यसले फाइदा पुर्याउँछ ।प्रत्येक दिन बिहान १ कप कफी पिउनाले शरीरमा दिनभरि स्फुर्ती आउनुका साथै यसमा हुने एन्टिअक्सिडेन्टले शारीरिक तथा मानसिक तनावलाई कम गर्छ । साथै मुटु, मस्तिष्क, पाचन र स्नायु प्रणालीलाई क्रियाशील तुल्याउँछ ।
यतिमात्र होइन, नियमित कफी सेवनले बोसो तथा मोटोपन घटाउन समेत मद्दत गर्दछ । कफीमा पाइने एन्टिअक्सिडेन्टले मुटुलाई स्वस्थ्य राख्दछ । साथै हृदयरोग तथा क्यान्सरबाट पनि सुरक्षित राख्दछ । शरीरकालागि एन्टिअक्सिडेन्ट फाइदाजनक हुन्छ ।
तुलनात्मक रुपमा मिल्क कफीभन्दा कालो कफी पिउनु स्वास्थ्यकालागी राम्रो हुन्छ । कालो कफी कलेजोकालागि राम्रो मानिन्छ । तर, दूधकफीले भने ग्यास्ट्रिक बढाउन मद्दत गर्छ र हर्ट बर्न र एसिडिटी बढाउँछ ।सिमित मात्रामा कफी सेवनबाट मुटुरोगी, कलेजो र मधुमेहका बिरामीलाई पनि फाइदा पुग्छ । ठिक्क मात्राको कफी सेवनले हृदयघात, मस्तिष्कघात, मधुमेह र संक्रमणको जोखिम पनि न्यून हुन्छ । साथै धेरै निन्द्रा लाग्नेहरुको रातमा निन्द्रा हराउँछ ।
तर गर्भवती महिलाले भने दिनको २ सय मिलिग्रामभन्दा बढी क्याफिन पिउनु हुदैन । अन्यथा महिलामा गर्भपातको जोखिम बढ्दछ वा कम तौल भएको बच्चा जन्मन सक्छ । साथै बिहान कफी खाँनु राम्रो हुन्छ । तर खाली पेटमा भने खानु हुदैन । साथै राति सुत्नुअघि कफी खानु त्यति राम्रो मानिँदैन, निद्रा नपर्न सक्छ ।
