काठमाडौं । चालू आर्थिक वर्षको दोस्रो महिनाको अन्त्यसम्ममा स्वास्थ्यमा १० प्रतिशतले महँगी बढेको छ। केन्द्रीय बैंकले आज सार्वजनिक गरेको चालू आवको पहिलो दोस्रो महिनाको अन्त्यसम्मको तथ्यांक अनुसार स्वास्थ्यमा १० प्रतिशतले महँगी बढेको पाइएको छ। अघिल्लो आर्थिक वर्षको सोही अवधिमा १२२.६८ रहेको मुद्रास्फीति यो आर्थिक वर्षको दोस्रो महिनामा बढेर १३५.६१ पुगेको हो।
समीक्षा महिनामा गैरखाद्य तथा सेवा समूहअन्तर्गत यातायात, फर्निसिङ तथा घरायसी उपकरण, शिक्षा र घरायसी उपयोगका वस्तु उपसमूहको मुद्रास्फीति क्रमशः २३ दशमलव ४१ प्रतिशत ९ दशमलव २५ प्रतिशत, ८ दशमलव ११ प्रतिशत र ७ दशमलव ६९ प्रतिशत रहेको छ।
चालू आवको पहिलो दोस्रो महिनाको अन्त्यसम्ममा तराईमा उपभोक्ता मुद्रास्फीति ९ दशमलव ३३ प्रतिशत बराबर रहेको छ।
केन्द्रीय बैंकका अनुसार २०७८ भदौमा तराईको उपभोक्ता मुद्रास्फीति तीन दशमलव ६५ प्रतिशत बराबर थियो। गत भदौ महिनामा काठमाडौँ उपत्यकामा सात दशमलव ६२ प्रतिशत पहाडमा ८ दशमलव ८२ प्रतिशत र हिमालमा छ दशमलव ६८ प्रतिशत मुद्रास्फीति रहेको छ।
बैंकका अनुसार २०७८ भदौ महिनामा काठमाडौँ उपत्यकामा ३ दशमलव २३ प्रतिशत, पहाडमा ३ दशमलव ९६ प्रतिशत र हिमाली क्षेत्रमा ३ दशमलव ५१ प्रतिशत बराबरको मुद्रास्फीति थियो।
यस्तै भदौ महिनामा वार्षिक बिन्दुगत उपभोक्ता मुद्रास्फीति ८ दशमलव ६४ प्रतिशत रहेको छ। अघिल्लो वर्षको सोही महिनामा यस्तो मुद्रास्फीति ३ दशमलव ४९ प्रतिशत थियो। समीक्षा महिनामा खाद्य तथा पेयपदार्थ समूहको मुद्रास्फीति ८ दशमलव १७ प्रतिशत र गैर–खाद्य तथा सेवा समूहको मुद्रास्फीति नौ दशमलव शून्य २ प्रतिशत रहेको छ।
विसं २०७८ भदौको तुलनामा २०७९ भदौमा खाद्य तथा पेयपदार्थ समूहअन्तर्गत फलफूल, घ्यू तथा तेल, रेष्टुरेन्ट तथा होटल, मदिराजन्य पेयपदार्थ र तरकारी उपसमूहको मूल्यवृद्धि क्रमशः १७ दशमलव २९ प्रतिशत, १४ दशमलव ५३ प्रतिशत, १२ दशमलव ३० प्रतिशत, १० दशमलव २४ प्रतिशत र ९ दशमलव ९४ प्रतिशत रहेको छ।
1621421639-1730352532.jpg)
