काठमाडौं । दाँतमा मुख्यतया तीनवटा तह हुन्छन् । इनामेलभन्दा भित्रको भाग डेन्टिन हो। सबैभन्दा भित्रको भागलाई पल्प भनिन्छ। विभिन्न कारणबस इनामेल खिइँदा डेन्टिन देखिन्छ र सिरिङ–सिरिङ हुन्छ। इनामेलले मुख्यतया दाँतलाई सिरिङ सिरिङ हुन नदिई भित्री भागलाई सुरक्षित गर्ने काम गर्दछ ।
जभाबाभी कडा रुपमा घोटेर ब्रस गर्दो दाँतको इनामेल जाने गर्छ । बजारमा विभिन्न प्रकार ब्रसहरु पाइने भएपनि कस्तो ब्रस प्रयोग गर्ने भन्नेबारे जानकारी नहुँदा कडा खालको ब्रसको प्रयोगका कारण दाँतको इनामेल जाने गर्छ ।
आम मानिसहरुमा धेरै घोटेर ब्रस गर्दा दाँत चम्किलो हुन्छ भन्ने धारणा छ । त्यसले दाँतलाई चम्किलो बनाउनका साटो दाँतलाई झन् बिगार्ने गर्छ । दाँतलाई धेरै घोटेमा त्यसले दाँतको इनामेल हराउँदै जान्छ । साथै ग्यास्ट्रिकको समस्याका कारण बेला बेला अमिलो पानी आउँदा त्यसले पनि दाँतको इनामेल बिगार्न सक्छ ।
कतिपय मानिसहरुले सुत्दा दारा किटकिट्याउने गर्छन् । जसले दाँतको बाहिरी भाग , डेन्टिन तथा भित्रको भाग समेत बिगार्ने गर्छ ।
दाँतको इनामेल गएको कसरी थाहा पाउने
सुरुको अवस्थामा दाँतको इनामेल गएको छ भन्ने थाहा नहुन पनि सक्छ । इनामेल भन्दा केही भित्रको भाग डेन्टिन जान थाल्छ त्यसपछि दाँत सिरिङ सिरिङ गर्ने भएकोले दाँतको इनामेल गएको थाहा हुन्छ ।
– दाँत कीराले खायो भने पनि सिरिङ–सिरिङ गर्ने समस्या आउँछ।
– पहिले भरेको दाँतको सिमेन्ट निस्कियो भनेपनि सिरिङ–सिरिङ हुन्छ।
– एकपटक भरेको दाँतमा फेरि कीराले खान सुरु ग¥यो भने पनि यो समस्या आउन सक्छ।
– कहिलेकाहीँ सिमेन्ट भरेपछि, ब्लिचिङ गरेपछि पनि दाँत सिरिङ–सिरिङ हुनसक्छ। तर त्यो केही समयपछि आफैँ सन्चो हुन्छ।
– कहिलेकाहीँ एसिडयुक्त मुख कुल्ला गर्ने औषधिको प्रयोगले पनि दाँत सिरिङ–सिरिङ हुने समस्या आउनसक्छ।
सिरिङ–सिरिङबाट बच्ने उपायहरु :
१. सही तरिकाले ब्रस गर्नुपर्छ। ब्रस कडा छ भने नरम ब्रसको प्रयोग गर्नुपर्छ।
२. एसिडभएको खानेकुरा सकेसम्म नखाने अथवा कम खाने, यदि सेवन गरेमा प्रशस्त मात्रामा पानी पिउने बानी बसाउने।
३. ग्यास्ट्रिकसम्बन्धी समस्याको उपचार गराउने।
३. सुत्दाखेरि दाँत किट्ने बानी छ भने दन्त चिकित्सकको तुरुन्तै परामर्श लिइहाल्ने र माउथगार्ड लगाउने।
४. दिनको दुइपटक फ्लोराइडयुक्त मन्जनले दाँत माझ्ने बानी बसाउने, फ्लोराइड भएको माउथवास, फ्लस प्रयोग गर्ने र दाँत, गिजा स्वस्थ राख्ने।
५. यदि खैनी, चुरोट सेवन गर्ने बानी छ भने तुरुन्तै त्याग्ने।
उपचार:
यदि दाँत सिरिङ–सिरिङ हुने समस्या छ भने तुरुन्तै दन्त चिकित्सककहाँ गएर कारण पत्ता लगाउनुपर्छ। कारणअनुसार उपचार फरक पर्छ ।
१. संवेदनशीलतामा प्रयोग गर्ने मन्जनहरु थुप्रै नाममा बजारमा उपलब्ध छन् जुन दुई हप्ताजति प्रयोग गरे सिरिङ–सिरिङको समस्या बिस्तारै कम भएर जान्छ।
२. यदि गिजा धेरै तल सरेर दाँतको जरा देखिएर यस्तो समस्या आएको हो भने सर्जरी पनि गर्नुपर्ने हुन सक्छ। यसो गर्दा देखिएको दाँतको जरा छोपिन्छ र समस्या कम भएर जान्छ।
३. दाँत किट्ने बानीले यो समस्या आएको हो भने माउथगार्ड लगाउनु पर्छ।
४. दाँत किराले खाएर यो समस्या आएको हो भने तुरुन्त दन्त चिकित्सककहाँ गएर दाँत भरिहाल्नुपर्छ।
५. यदि पहिले भरेको दाँतको सिमेन्ट निस्किएको छ भने फेरि भर्नुपर्छ।
६. सकेसम्म पेटको समस्याको उपचार छिट्टो गराइहाल्नुपर्छ।
७. नमिलेको दाँतको अर्थोडोन्टिक उपचार गराउनुपर्छ, जसमा तारको सहायताले नमिलेको दाँत मिलाइन्छ र दाँत अझै खिइनबाट बचाउन सकिन्छ।
८. यदि माथि उल्लेखित उपचार गर्दा पनि निको नभएमा रुट क्यानल उपचार गराउनु पर्ने हुन सक्छ।
