काठमाडौं । ओम समाज डेन्टल अस्पतालले महोत्तरीको बर्दीबासमा चैत्त ११ गते शाखा विस्तार कार्यक्रमको भव्यरुपमा उद्घाटन गरेको छ।
उद्घाटन कार्यक्रमको सभापति ओम समाज डेन्टल अस्पतालका अध्यक्ष डा.सुवास घिमिरेले गरेका थिए । विशिष्ट अतिथीको रुपमा डा.एम एस राजु रहेका थिए ।
कार्यक्रममा क्याप्टेन विजय लामा, नायक निखिल उप्रेती, ७० वर्षदेखी स्वास्थ्य सेवा विभागमा कार्यरत्त मेट्रोन अम्बिका श्रेष्ठ ,प्रदेश सभा सांसद शारदा देवी थापा,बर्दीबास नगरपालिकाका मेयर प्रलाद कुमार क्षेत्री लगायत राष्ट्रिय तथा अन्र्तराष्ट्रिय ख्याती प्राप्त व्यक्तिहरुको सहभागिता रहेको थियो।
कार्यक्रमको उद्घाटन सत्रमा विशिष्ट अतिथीहरु तथा पत्रकारहरुलाई 'मायाको चिनो' प्रदान गरिएको थियो । ५ करोड लगानीमा सञ्चालित ओम समाजको बर्दीबास शाखाबाट दाँत मात्र नभई फार्मेसी, ल्याब, प्याथोलोजी ल्याब, डेन्टल ल्याब लगायतका दाँत उपचारको सम्पूर्ण सेवा एउटै कम्पाउन्डबाट पाउन सकिन्छ । बर्दीबास नेपालको बढी मात्रामा दुर्घटना हुने क्षेत्र हो । दुर्घटनामा परी दाँत तथा हड्डी भाँचिएका बिरामीको समेत उपचारका लागि सर्जनसहितको सेवा यहाँ पाइन्छ ।
हालसम्म ओम समाज डेन्टल अस्पतालले चाबहिल, नैकाप, बर्दीबाससहित ३ शाखाबाट दन्त उपचार सेवा प्रदान गर्दै आइरहेको छ ।
1621421639-1730352532.jpg)
