तनहुँ । जिल्लाको बन्दीपुर अस्पतालमा जनशक्ति अभावमा भिडियो एक्स-रे मेसिन लामो समयदेखि प्रयोगविहीन बन्दै आएको छ।
अघिल्ला जनप्रतिनिधिको कार्यकालमा खरिद गरेको उक्त मेसिन अहिले जनप्रतिनिधि निर्वाचित भएर आएको एक वर्ष बित्न लाग्दा पनि सञ्चालनमा ल्याउन सकिएको छैन। तीनरचार वर्षदेखि एक्स-रे मेसिन प्रयोगविहीन हुँदा सेवाग्राहीले सेवा लिनबाट वञ्चित हुनुपरेको गाउँपालिकाका अध्यक्ष सुरेन्द्र थापाले जानकारी दिए।
स्वास्थ्य मन्त्रलालबाट रेडियोग्राफीका लागि पटक-पटक अनुरोध गरे पनि व्यवस्था हुन नसकेको उनले बताए।’आगामी वर्षदेखि सञ्चालनमा ल्याई सेवा प्रवाह गर्ने योजना बनाएका छौँ’, उनले भने, ‘जनशक्तिको अभावमा नागरिकलाई भिडियो एक्स–रे सेवा दिन नसक्दा कठिनाइ भोग्नुपरेको छ।’
उक्त अस्पताल १५ शय्या क्षमताको छ। अस्पतालबाट आँखा, प्रसूति, दाँत, ल्याब, फार्मेसीलगायतका सेवा प्रवाह गरिएको छ। एमबिबिएस डाक्टर दुई, हेल्थ असिस्टेन्ट चार, स्टाफ नर्स तीन, ल्याब तीन, फार्मेसी दुई, प्रशासन दुई र एक्स(रेमा एक गरी ४४ जना जनशक्ति छन्।
उक्त अस्पतालमा दैनिक ७० देखि एक सयको हाराहारीमा बिरामीहरू उपचारका लागि आउने गरेको अस्पतालका चिकित्सक आशीष अधिकारीले जानकारी दिए।
अस्पतालमा रुघाखोकी, दम, सुगर, प्रेसर, मुटु, क्यान्सर लगायतका बिरामीको चाप बढी हुने गरेको छ। महिलाहरूको पाठेघरको क्यान्सर भएरनभएको जाँचका लागि दैनिक भिआइए परीक्षणको निस्शुल्क व्यवस्था मिलाइएको छ।
1621421639-1730352532.jpg)
