काठमाडौं । छुट्टाछुट्टै सवारी दुर्घटनामा ६ जनाको मृत्यु भएको छ । काठमाडौं महानगरपालिका-३२ महादेवस्थानस्थित सडकमा ज.५ प २९३६ नम्बरको मोटरसाइकल अनियन्त्रित भई गएराति दुर्घटना हुँदा चालक सिरहा अर्नामा गाउँपालिका-३ घर भएका २३ वर्षीय जितेन्द्र कुमार यादवको मृत्यु भएको छ ।
दुर्घटनामा गम्भीर घाइते भएका उनको राष्ट्रिय ट्रमा सेन्टरमा उपचारको क्रममा मृत्यु भएको हो । त्यस्तै भक्तपुर, भक्तपुर नगरपालिका-१ सल्लाघारी हनुमन्ते पुलस्थित सडकमा राधेराधेबाट निकोसेरातर्फ जादै गरेको बा.२१ च ५३०१ नम्बरको हात्ती गाडीबाट खसेर गाडीमा सवार हाल नाम, थर, वतन नखुलेकी अन्दाजी ४५ वर्षीया महिलाको शनिबार बिहान मृत्यु भएको छ ।
दुर्घटनामा गम्भीर घाइते भएकी उनको डा. ईवामुरा अस्पतालमा उपचारको क्रममा मृत्यु भएको हो । गाडी चालकलाई प्रहरीले नियन्त्रणमा लिएको छ । यस्तै झापा, बुद्धशान्ति गाउँपालिका-३ सयपत्री चोकमा प्रदेश १-०१-०१४ प १७६५ नम्बरको मोटरसाइकलको ठक्करबाट पैदलयात्री सोही ठाउँ बस्ने ६५ वर्षीय बल बहादुर बस्नेतको शुक्रबार दिउँसो मृत्यु भएको छ ।
ठक्करबाट गम्भीर घाइते भएका उनको बिएण्डसी अस्पताल बिर्तामोड झापामा उपचारको क्रममा मृत्यु भएको हो । मोटरसाइकल चालकलाई प्रहरीले नियन्त्रणमा लिएको छ । यता जुम्ला, तातोपानी गाउँपालिका-६ चिलिमडाँडास्थित सडकमा चिलिमडाँडाबाट राबतवाडातर्फ जाँदै गरेको लु.४ त ७९४८ नम्बरको ट्याक्टर अनियन्त्रित भई शुक्रबार दिउँसो दुर्घटना हुँदा ट्याक्टरमा सवार तिला गाउँपालिका-५ तिलाकोट बस्ने १६ वर्षीयविकाश सुनारको मृत्यु भएको छ ।
दुर्घटनामा गम्भीर घाइते भएका उनको कर्णाली स्वास्थ्य विज्ञान प्रतिष्ठान जुम्लामा उपचारको क्रममा मृत्यु भएको हो । हाल फरार ट्याक्टर चालकको प्रहरीले खोजी गरिरहेको छ । उता सुनसरी, बराहक्षेत्र नगरपालिका-६ जब्दीस्थित सडकमा को.४ प ३५२७ नम्बरको मोटरसाइकल आफै अनियन्त्रित भई शुक्रबार राति दुर्घटना हुँदा चालक सिरहा धनगढीमाई नगरपालिका-९ मुसहरमिया टोल घर भई हाल सुनसरी भोक्राहनर्सिङ गाउँपालिका-६ चिरौली बस्ने २७ वर्षीय रमेश कुमार साहको मृत्यु भएको छ ।
दुर्घटनामा गम्भीर घाइते भएका उनको स्थानीय नगर अस्पताल चक्रघट्टीमा उपचारको क्रममा मृत्यु भएको हो ।त्यस्तै धादिङ, धुनिवेशी नगरपालिका-९ बाहुनडाँडास्थित सडकमा युपि १६ जिटि ५४७४ नम्बरको कार आफै अनियन्त्रित भई शुक्रबार राति दुर्घटना हुँदा कारमा सवार बाँके कोहलपुर बस्ने ३६ वर्षीय रबिलाल बिकको मृत्यु भएको छ । दुर्घटनामा गम्भीर घाइते भएका उनको नर्भिक अस्पताल काठमाडौंमा उपचारको क्रममा मृत्यु भएको हो।
1621421639-1730352532.jpg)
