मासु तथा जोर्नी र तन्तुको दुखाइलाई बाथ रोग भनिन्छ । यो धेरै किसिमको हुन्छ । बाथ रोगमध्ये युरिक एसिड पनि एउटा समस्या हो ।
बाथ रोग के कारणले हुने गर्दछ ?
यही कारणले बाथ हुन्छ भन्ने छैन । तर धेरैजसोमा वंशाणुगत कारणले हुने गरेको छ । कसैकसैलाई चाहिँ भाइरल इन्फेक्सनका कारण पनि भएको पाइएको छ ।
रोकथाम कसरी गर्ने ?
यो यौटा वंशाणुगत कारण हुने भएकाले रोकथाम गर्न सकिने कुरा हुँदैन । तर चिसोबाट बच्ने, युरिक एसिड हुने खालका खानेकुरा नखाएमा यसबाट बच्न सकिन्छ । जस्तै रातो मासु, गेडागुडी, तामा, च्याउ, मादक पदार्थबाट टाढा रहने हो भने यसलाई नियन्त्रण गर्न सकिन्छ ।
घरेलु उपचार ?
अहिले चिसो मौसम चलिरहेको छ । यो मौसममा बाथ रोग बढी देखिने गर्दछन् । सर्वप्रथम त चिसोबाट जोगिने, जोर्नीहरु दुखेमा तातोले सेक्ने, प्रर्याप्त मात्रामा आराम गर्ने गरेमा बाथलाई कम गर्न सकिन्छ ।
बाथरोग लागेपछि जोर्नी, घुँडा मात्रै दुख्ने होइन यसको असर छालामा शरीरका अन्य अंग छाती, आँखा मुटुमा पनि हुने गर्दछ । त्यसैले जोर्नी, घुँडाको पीडासँगसँगै आँखा रातो हुने, छालामा इन्फेक्सन हुने जस्ता लक्षण देखिने हुन्छ । समस्या देखिने बित्तिकै बाथरोग सम्बन्धी या हाडजोर्नीको चिकित्सकलाई भेटेर रोग पत्ता लगाएर उपचार गर्नुपर्छ ।
