प्रोस्टेट क्यान्सर, विश्वभरि पुरुषहरूमा हुने दोस्रो सबैभन्दा सामान्य क्यान्सर हो । प्रोस्टेट ग्ल्याड पुरुषहरुमा हुने एक प्रकारको ग्रन्थी हो । प्रोस्टेट क्यान्सर अन्य प्रकारका क्यान्सर भन्दा अलग हुन्छ । प्राय पुरुषहरु ४० वर्ष कटेपछि प्रोस्टेट ग्रन्थी बढ्दै जान्छ । केही पुरुषहरुमा प्रोस्टेट क्यान्सर तिव्र गतिमा बढ्छ र शरीरको अन्य भागमा समेत फैलिने गर्छ ।
प्रोस्टेट क्यान्सर भएको अवस्थामा हामी घर वा आफनो वरपरका बुबा, काका, दाजुभाइ र छोराहरू (पुरुषहरू) लाई माया गर्ने र भावनात्मक रुपमा साथ दिनु पर्छ । अक्सर हामिले शारिरिक रोगमा केन्द्रित हुन्छ, तर यसले मानसिक स्वास्थ्यमा पनि गहिरो प्रभाव पारेको हुन्छ ।
एउटा तथ्याङ्कको अनुसार प्रोस्टेट क्यान्सरको भएका प्रत्येक १० मध्ये ४ व्यक्तिहरू कम्तिमा एउटा मानसिक समस्याको सामना गर्नुपरेको छ । पुरुषको तुल्नामा महिलाहरुले आफनो समस्या , डर परिवार सँग भने गर्छन तर पुरुषले चिन्ता, बेचैनी, चिडचिडापन, मांसपेशी तनाव, मुड स्विङ, र निद्रा गडबडीको यो सबै कुरा आफुमै दबाएर राख्ने गर्छन र उनिहरुले ठूलो चुनौतीको सामना गरि रहेका हुन्छन् जस कारण पुरुषमा मानसिक समस्याले सताएको पाईन्छ ।
प्रोस्टेट क्यान्सर भएकोले पनि पुरुषहरु खुलेर कुरा गर्दैन् त्यसैको डर चिन्ताका कारण एन्जाइटी अटैक, डिप्रेशनको सिकार हुने गरेका छन । क्यान्सर निदान गर्नु भनेको चुनौतीपूर्ण यात्राको सुरुवात गर्नु हो जुन घरबाट सुरु भई डाक्टरको अफिस र अफिस बाहिर जान्छ, यसले भावनाहरूको आँधीबेहरी निकाल्छ। क्यान्सरको डर, भविष्यको अनिश्चितता, र उपचार विकल्पहरूको बारेमा विचारहरूले दैनिक जीवनमा असर गरि रहेको हुन्छ ।
चिन्ता एक प्राकृतिक प्रतिक्रिया हो, किनकि भविष्यको बारेमा प्रश्नहरू र प्रियजनहरूमा पर्ने प्रभाव दिमागमा दौडिन्छ। त्यसै कारण रिस आउन, भावनात्मक उथलपुथल, निदान दुविधाको, मानसिक समस्या र बिरामीको समग्र जीवनलाई महत्त्वपूर्ण रूपमा असर गर्न सक्छ।
एन्जाइटी र डिप्रेशन
प्रोस्टेट क्यान्सरले ठूलो भावनात्मक बोझ निम्त्याउन छ । जसले चिन्ता र डिप्रेसनको विकास गर्न सक्छ, अत्यधिक चिन्ता, बेचैनी, चिडचिडापन, मांसपेशी तनाव, मुड स्विङ, र निद्रा गडबडीको रूपमा बाहिर आउछन। प्रोस्टेट क्यान्सर निदानको सामना गर्नु चुनौतीपूर्ण हुन्छ । यस समयमा बिरामिलाई शारिरिक, मानसिक र भावनात्मक रुपमा साथ दिनु आवश्यक हुन्छ । जसले प्रोस्टेट क्यान्सरको यात्रालाई सहज गर्न सक्छ ।
उपचारको बोझ
प्रोस्टेट क्यान्सर एक जटिल रोग हो, जसले शारीरिक प्रभावहरू सँगै व्यक्तिको मनोवैज्ञानिक र भावनात्मक रुपमा गहिरो असर गर्छ। प्रोस्टेट क्यान्सरले प्रायः विभिन्न मनोवैज्ञानिक चुनौतीहरूको सामना गर्छ । यी चुनौतीहरूमा महत्त्वपूर्ण वित्तीय तनाव समावेश छ उपचार लागत र सम्भावित आय हानि, तनावपूर्ण सम्बन्ध, उपचारबाट उत्पन्न कठिनाइहरू, प्रोस्टेट क्यान्सरबाट मृत्युको डर, उपचार पछि पनि क्यान्सर पुनरावृत्तिको सम्भावनाको चिन्ता, सफल उपचार, र सम्भावित पीडा सम्बन्धित चिन्ताहरू क्यान्सर र यसको उपचार संग सम्बन्धीत हुन्छ ।
यी मनोवैज्ञानिक चुनौतीहरू पहिचान गर्न महत्त्वपूर्ण छ । प्रोस्टेट क्यान्सरको व्यापक प्रभावहरू बुझेर दुवैलाई सम्बोधन गर्दै यस रोगको शारीरिक र मनोवैज्ञानिक पक्षहरूको हेरचाह र प्रभावित व्यक्तिहरूको जीवनको समग्र गुणस्तर बनाउन प्रयास गर्ने।
बिरामिको हेरचाहकर्ताको समस्या
प्रोस्टेट क्यान्सर एकल लडाई होइन : यसले विशेष गरी हेरचाह गर्ने आफ्नतहरूलाई गहिरो असर गर्छ,किनकि उनिहरुले शारीरिक, मानसिक ,भावनात्मक सबै बोझ बोकेका हुन्छ। क्यान्सर यात्रामा हेरचाहकर्ताले चिकित्सा छनवट गर्नदेखि दैनिक कार्यमा सहायोग गर्ने, शारीरिक र भावनात्मक रूपमा हेरचाह गर्ने । रोगको बाट उत्पन्न हुने निरन्तर चिन्ताको सामना गरीरहेका हुन्छन। हेरचाहकर्तालाई भावनात्मक साथ दिने,हेरचाहकर्ता भावनाहरू बुझने ,समर्थन, लचिलोपनलाई बढाउने, बिरामि र बिरामि समर्पित हेरचाहकर्ता दुवैको लागि व्यापक हेरचाह सुनिश्चित गर्दछ।
क्यान्सरबाट बाँचेका
प्रोस्टेट क्यान्सरबाट बच्नु एक महत्त्वपूर्ण उपलब्धि हो, तर यो अक्सर भावनाहरूको दायरा संग आउँछ। साथै उपचार प्रभावको बारेमा पुनरावृत्ति र चिन्ताको डर पनि हुन्छ । रोग फेरि बल्झिने र उपचारको साइड इफेक्टको डरले कहिलेकाहीँ उपचार समाप्त भएपछि पनि वर्षौंसम्म रहन्छ। यस यात्राको क्रममा क्यान्सरबाट बाँचेका व्यक्ति ,साथीहरू र परिवारबाट समर्थन महत्त्वपूर्ण छ । सराइभरशिपले व्यक्तिगत बृद्धि, प्राथमिकताको पुन मूल्याङ्कन, र प्रोस्टेट क्यान्सरभन्दा बाहिरको जीवन बचाउने अवसरलाई प्रतिनिधित्व गर्दछ। यसका प्रभावहरू, जस्तै यौन रोग वा मूत्र असंयम, आत्मसम्मान र शरीर छविलाई असर गर्न सक्छ, जसले निराशा र उदासी निम्त्याउन छ।
रोगको सामना गर्ने कुराहरू
प्रोस्टेट क्यान्सरलाई भावनात्मक रुपमा बलियो बनाउन धेरै कुराहरू छन् जसले बिरामीहरू र उनीहरूका प्रियजनहरूलाई मानसिक स्वास्थ्य व्यवस्थापन गर्न मद्दत गर्न सक्छ ।
- स्वस्थ जीवनशैली कायम गर्ने ।
- शारीरिक मानसिक रूपमा सक्रिय रहने ।
- विश्वसनीय साथीहरू, परिवार, सँग खुलेर कुराकानि गर्ने ।
- मनोचिकित्सक डाक्टर सँग मानसिक स्वास्थ्य सम्बन्धि काउन्सिलिङ गर्ने ।
- प्रोस्टेट क्यान्सर समर्थन समूहमा सामेल हुने ।
- शारिरिक व्ययम, स्वस्थ खाना र पर्याप्त निद्रा लिने ।
प्रोस्टेट क्यान्सर लचिलोपन र आशा संग भावनात्मक रुपमा बलियो बनाउने। आफुलाई एक्लै ढानुहुदैन यस यात्रामा समर्थन र साथ दिने व्यक्ति उपलब्ध छन् । यसमा मानसिक स्वास्थ्यलाई प्राथमिकता दिनु आवश्यक छ । प्रोस्टेट क्यान्सर विरुद्ध लडाईमा शारीरिक स्वास्थ संग मानसिक स्वास्थ हुनु आवश्यक छ ।
1621421639-1730352532.jpg)
