काठमाडौँ । नेपालमै पहिलो पटक ईशान बाल तथा महिला अस्पतालमा ११ वर्षकी बालिकाको जटिल र दुर्लभ शल्यक्रिया भएको छ ।
ईशान अस्पतालका प्रा.डा. रामनन्दन प्रसाद चौधरी तथा उनको टिमले अत्यन्त दुर्लभ र जटिल मानिने जन्मजात मुत्र थैली नबनेको रोगको शल्यक्रिया सम्पन्न गरेको एक पत्रकार सम्मेलन गरि डा.चौधरी बताए ।
लिखु तामाकोसी ६ की ११ वर्षकी तृष्णा थापाको जन्मदा नाइटो भन्दा तल्लो भागमा पेटको भित्ता नभएको, पिसाबको थैली खुल्ला र पिसाब नली समेत पनि नभई त्यहीबाट लगातार बाहिर पिसाब चुहिने अवस्था (Extroptry Epispadias Complex) थियो । उनलाई परिवारले जन्मिएको ९ दिनमा कान्ति बाल अस्पतालमा प्रा.डा चौधरीको नेतृत्वमा खुल्ला पिसाब थैली बन्द गर्ने शल्यक्रिया भएको थियो । त्यसपछि ४ वर्षको उमेरमा पिसाब नलि बनाउने शल्यक्रिया गरिएको थियो ।
पिसाबको थैलीको आकार उमेर अनुसार नबढी सानै भएको कारणले पिसाब लगातार चुहिरहने र पिसाब थैलोबाट पिसाब मिर्गौलाबाट आउने दुईवटै नलीहरुबाट उल्टै फर्केर मिर्गौलामा गईरहेको अवस्था थियो जसका कारण तृष्णाले शल्यक्रिया अगाडि डाइपर लगाउनपर्ने अवस्था थियो ।
बैशाख १० गते १० घण्टा लगाएर थापाको एकै पटक ४ किसिमका अति जोखिमयुक्त शल्यक्रिया गरिएको प्रा.डा चौधरी जानकारि दिए । उनका अनुसार थापाको सानो आन्द्राबाट पिसाबको थैली ठूलो बनाएको, दुईवटै मिर्गौलाका नलीहरुमा पिसाब नफर्कने शल्यकिया, पिसाब थैलीको तल्लो प्वाल बन्द गरेको र एपेन्डिक्सलाई प्रयोग गरी पिसाब निकाल्ने कृतिम नली बनाउने शल्यक्रिया गरिएको हो ।
शल्यक्रिया पश्चात थापालेले पाइप मार्फत पिसाव गर्न सकेको र हाल उनको दैनिक अवस्था सामान्य रहेको उनका बाबु सन्तोष थापाले जानकारी दिए ।
प्रा.डा चौधरीका अनुसार नेपालमै पहिलो पटक यस्तो किसिमको शल्यक्रिया भएको बताए । यस्तो समस्या भएका अधिकांश बालबालिकाहरुको मृत्यु हुने गरेकोले पनि यसअघि यस्ता किसिमको रोगको उपचार नेपालमा नभएको हुनसक्ने उनले बताए । यस्तो समस्या १० हजार जीवित जन्ममा १ जनामा देखिने र यो समस्या छोरि मान्छे भन्दा छोरा मान्छेहरुमा बढी हुने गरेको प्रा.डा चौधरी जानकारी दिए ।
यो रोग एनामालिज परिक्षणबाट शिशु गर्भमै छँदा निदान हुन्छ तर उपचार भने जन्मिसकेपछि मात्रै गर्न सकिने प्रा.डा चौधरीले बताए ।
