काठमाडौं। काठमाडौंको तिलगंगा स्थित मानसिक स्वास्थ्य समस्याको उपचार केन्द्र ‘आत्मन हस्पिटल एण्ड हिलिङ सेन्टर’ले आफ्नो सेवा विस्तार गरेको छ।
५ वर्ष अघि मनोसामाजिक समस्या भएकाहरुका लागि काउन्सिलिङ तथा साइको थेरापी सेवा सुरु गरेको अस्पतालले १५ शैय्याको मानसिक अस्पतालका रुपमा विकास गर्दै सेवा विस्तार गरेको हो।
अस्पतालको सेवा विस्तार कार्यक्रमका पमुख अतिथि काठमाडौं महानगरपालिका वडा नं ८ का अध्यक्ष आशामान संगतले अस्पतालको सेवा विस्तारका लागि शुभकामना दिदै साथ र सहयोग रहने बताए।
अस्पतालकी अध्यक्ष डा रचना शर्मा बस्नेतले अस्पतालले प्रमोसन, प्रिभेन्सन, ट्रिटमेन्ट र रिह्याविलिटेसन जस्ता सबै क्षेत्रमा काम गरिरहेको बताइन्। अस्पतालले उपचारमा ‘होलिस्टिक एप्रोच’ मेडिसिन, थेरापी काउन्सिलिङ संगै लगिएको जानकारी दिइन्।
त्यसैगरी आत्मन अस्पतालकी कार्यकारी निर्देशक साधना थापाले मानसिक स्वास्थ्यको प्रवर्धन तथा उपचार क्षेत्रमा सेवा दिने उदेश्यले १०१९ मा कान्सिलिङ र साइको थेरापीबाट सेवा सुरु गरि समग्र मानसिक स्वास्थ्य सेवाको रुपमा विकास गरिएको बताईन्।
कार्यक्रममा नेपाल मेडिकल एसोसियसनका अध्यक्ष डा अनिल विक्रम कार्की, काठमाडौं विश्वविद्यालयका सहायक डा दीपक कुवर, त्रिवि टिचिङ हस्पिटलका मानसिक रोग विभागका प्रमुख डा सरोज ओझा तथा विश्व स्वास्थ्य संगठनका मानसिक रोष विशेषज्ञ डा केदार मरहट्ठाले अस्पतालको सेवा विस्तारको लागि शुभकामना दिएका थिए।
