शरीरलाई स्वास्थ्य राख्न दैनिक प्रशस्त पानी पिउनुपर्छ । यो कुरा सबैलाई जानकारी छ । तर पानी प्रशस्त पिउनुपर्छ भन्ने जानकारी भएपनि मुख सुकेर तिर्खा लागेको महसुस नभएसम्म पानी नपिउने चलन धेरैको हुनसक्छ । जाडो मौसमभन्दा गर्मीको समयमा शरीरलाई धेरै पानीको आवश्यकता पर्छ ।
गर्मी मौसममा पसिना बग्ने भएकाले शरीरमा पानीको कमी हुनसक्छ । शरीरमा पानीको कमी भएका छाला सुख्खा हुने, थकान महसुस हुने, मुख सुक्ने, तिर्खा लाग्ने, टाउको दुख्ने,मांशपेसी बाउडिने, खाना खान मन नलाग्ने लगायतका समस्याहरु देखिन्छ ।
प्रशस्त पानी नपिउदा आलस्यताले तपाईको दैनीक क्रियाकलापमा पनि असर पर्छ । त्यसैले यस्ता समस्याबाट बच्न पानी तथा तरल पदार्थ तथा फलफूल नियमित र प्रशस्त पिउनुपर्छ ।
यी फलफूल खाँदा शरीरमा पानीको कमी हुँदैन
– मेवा
गर्मी मौसममा घाममा धेरै हिड्ने व्यक्तिको छाला डढेर कालो हुन्छ । त्यसैले गर्मी मौसममा छाला डढ्नबाट जोगिन नियमित रुपमा मेवा खानु उपयुक्त हुन्छ । मेवाले मधुमेह, र ब्लड प्रेसर नियन्त्रण गर्नुका साथै शरीरमा लाग्ने घाउचोट पनि छिटो निको पार्छ ।
–खरबुजा
खरबुजामा ९२ प्रतिशत पानीमो मात्रा हुन्छ । गर्मी मौसममा दैनीक रुपमा खरबुजा खादा पानीको पूर्तिमात्रै हौन खनिज, भिटामिन र क्यालोरी र फाइबर पनि पाइन्छ ।
–स्याउ
स्यामा फाइबर, एन्टीअक्सिडेन्ट, भिटामिन बी कम्प्लेक्स लगायतका तत्वहरु पाइन्छ । गर्मीमा स्याउ खादा यी तत्वहरुले शरीरलाई शीतलता प्रदान गर्छ ।
– काँक्रो
गर्मी मौसममा फुर्तिलो हुन काँक्रो खाँदा लाभदायिक हुन्५ । काक्रोमा ९५ प्रतिशत पानको मात्रा हुने भएकाले यसले शरीरलाई निकै पाइदा गर्छ ।
– भूइँकटहर
गर्मी मौसममा शीतलता पाउन खानै पर्ने अर्को फल भूँइकटहर हो । यसले रोगसँग लड्ने प्रतिरोधात्मक क्षमता बढाउँनुका साथै छालालाई पनि स्वास्थ्य राख्छ ।
– केरा
गर्मी मौसममा केरा खानु स्वास्थ्यका लागि निकै फाइदाजनक छ । केराले चिसो महसुस गराउनुका साथै झाडापखाला बाट पनि बचाउँछ ।
