बाँके- बाँकेमा पुनः कोरोना भाइरसका संक्रमितहरुको संख्या बढेको छ ।
पछिल्ला दिनहरूमा जिल्लामा सक्रिय संक्रमित सङ्ख्या ५० जनाभन्दा कम रहेको थियो ।
पछिल्लो २४ घण्टामा शनिवार थप ९ जनामा कोरोना संक्रमण पुष्टि भएसँगै सक्रिय सङ्क्रमितको सङ्ख्या ५० नाघेको हो ।
जिल्लामा शनिवारसम्म २३ महिला र ३२ पुरुष गरेर सक्रिय संक्रमित ५५ जना रहेको जिल्ला कोभिड व्यवस्थापन समिति बाँकेले जनाएको छ ।
बाँकेमा बाहिरी जिल्लाका सक्रिय सङ्क्रमितको सङ्ख्या भने १६ जना रहेको जिल्ला कोभिड व्यवस्थापन समिति बाँकेका फोकल पर्सन तेज ओलीले जानकारी दिनुभयो ।
तीमध्ये १५ महिला र १६ पुरुष गरेर ३१ जना अस्पतालमा उपचाररत रहेका छन् । १६ महिला र २४ पुरुष गरेर ४० जना भने होम आइसोलेसनमा रहेका थिए ।
बाँकेका बाहिरी जिल्ला र जिल्लाभित्रका गरेर ७५ जना सक्रिय संक्रमित रहेको जिल्ला कोभिड व्यवस्थापन समिति बाँकेले जारी गरेको तथ्याङ्कमा उल्लेख रहेको छ ।
त्यस्तै पछिल्लो २४ घण्टामा बाँकेका थप ९ जनामा कोरोना संक्रमण पुष्टि भएको थियो ।
जिल्लाका तीन वटा प्रयोगशालामा गरिएको परीक्षणमा ४ महिला र ५ पुरुषमा संक्रमण देखिएको हो ।
तीन प्रयोगशालामा १ सय ७४ नमुना परीक्षण गर्दा १७ जनामा संक्रमण देखिएको थियो । तीमध्ये ९ जना मात्र बाँकेका रहेको जिल्ला कोभिड व्यवस्थापन समिति बाँकेले जनाएको छ ।
भेरी अस्पताल नेपालगञ्जमा गरिएको परीक्षणमा ४ महिला र ४ पुरुष गरेर ८ जना तथा मेडिकल कलेज कोहलपुरमा गरिएको परीक्षणमा १ पुरुषमा कोरोना पुष्टि भएको थियो ।
योसँगै बाँकेमा कुल कोरोना सङ्क्रमितको १७ हजार ४ सय ६९ पुगेको जिल्ला कोभिड व्यवस्थापन समिति बाँकेका फोकल पर्सन ओलीले जानकारी दिनुभयो । उहाँका अनुसार तीमध्ये ७ हजार ४ सय ४२ महिला र १० हजार २७ पुरुष रहेका छन् ।
शनिवार बाँकेका प्रयोगशालामा गरिएको परीक्षणमा ५ महिला र ३ पुरुष गरेर बाहिरी जिल्लाका ८ जनामा कोरोना पुष्टि भएको थियो ।
पछिल्लो २४ घण्टामा ९ जना नयाँ संक्रमित थपिँदा ३ जना कोरोना जितेर घर फर्किएका थिए । १ महिला र २ पुरुष गरेर थप ३ जना कोरोना जितेर डिस्चार्ज भएको जिल्ला कोभिड व्यवस्थापन समिति बाँकेका फोकल पर्सन ओलीले बताउनुभयो ।
उहाँका अनुसार बाँकेका योसँगै कोरोना जितेर घर फर्किनेहरूको सङ्ख्या १७ हजार १ सय ७ रहेको छ । कोरोना जितेर घर फर्किनेहरूमा ७ हजार २ सय ९१ महिला र ९ हजार ८ सय १६ पुरुष रहेका छन् ।
पछिल्लो २४ घण्टामा समेत बाँकेमा मृत्युदर भने शून्य नै रहेको थियो । जिल्ला भित्र र बाहिरी जिल्लाबाट उपचारका लागि आएका कुनै पनि सङ्क्रमितको मृत्यु नभएको स्वास्थ्य कार्यालय बाँकेका जनस्वास्थ्य अधिकृत नरेशबाबु श्रेष्ठले जानकारी दिनुभयो ।
‘उपचाररत संक्रमितहरु समेत पछिल्ला दिनहरूमा कोरोना संक्रमित कोरोना जितेर घर फर्किने क्रम बढेको छ’ उहाँले भन्नुभयो, ‘जिल्लामा पछिल्ला दिनहरूमा मृत्युदर शून्य देखिन्छ ।’
अहिलेसम्म बाँकेमा जिल्ला भित्र र बाहिरी जिल्लाका गरेर ६ सय ७३ जना सङ्क्रमितको उपचारका क्रममा मृत्यु भएको जिल्ला कोभिड व्यवस्थापन समिति बाँकेले जनाएको छ ।
1621421639-1730352532.jpg)
