काठमाडौं– नेपालमा गत २४ घण्टामा कोरोना भाइरसबाट ३२६० जना संक्रमित भएका छन् ।
स्वास्थ्य तथा जनसंख्या मन्त्रालयका अनुसार १५ हजार ४ सय ६२ जनाको नमूना परीक्षणमा ३२६० जनामा संक्रमण पुष्टि भएको हो ।
२४ घण्टामा ३२ जनाको मृत्यु भएको छ भने २२९४ जना संक्रमणमुक्त भएका छन् ।
नेपालमा सक्रिय संक्रमितको संख्या ३८ हजार १ सय ८० रहेको छ ।
नेपालमा निको भएको दर ९३ दशमलव ३ प्रतिशत रहेको छ ।
कोरोना संक्रमणबाट अहिलेसम्म १० हजार २ सय १२ जनाको मृत्यु भएको छ ।
