काठमाडौं- मानिसहरु विभिन्न काम विशेषले यात्रा गरिरहेका हुन्छन् । कहिले पैदल यात्रा, त कहिले यातायातमा त्यतिमात्र नभएर मानिसहरु हवाई यात्रा पनि गरिरहेकै हुन्छन् ।
यात्रा जुनसुकै क्षेत्रको भएपनि सजक र सचेत हुनु जरुरी रहन्छ । त्यसमध्ये पनि हवाई अर्थात् फ्लाइट यात्राका क्रममा तपाईले केही कुरामा ध्यान दिनुपर्ने हुन्छ ।
हवाई यात्राका क्रममा के-के केरामा ध्यान दिने ?
- केही मानिसहरु प्लेनमा मोजा फुकालेर बस्छन तर तपाइको मोजा गनाउने छ भने भुलेर पनि त्यसो नगर्नुस् । यसको कारण तपाइलाई अरुले घृणा गर्छन ।
- हवाई यात्राका क्रममा छोटा कपडा लगाउनु उचित मानिदैन । कतिपय देशमा छोटो कपडा लगाएका कारण जहाज चढ्न नदिएको विभिन्न उदाहरण छन् ।
- प्लेनमा टाइट कपडा नलगाउनु होला किनकि फ्लाइटमा सीट बेल्ट लगाएर घन्टौंसम्म एकै स्थानमा बस्नु पर्ने हुँदा यस्तो अवस्थामा तपाइको रक्तसंचारमा निकै समस्या आउन सक्छ । यसकै कारण तपाईलाई पछीसम्म शारीरिक समस्या झेल्नुपर्ने हुनसक्छ ।
- प्लेनमा जाँदा धेरै सेन्ट (परफ्युम) नहाल्नुस् । यसको कारण तपाइँ नजिकै बस्नेको स्वासप्रस्वासमा समस्या आउन सक्छ । तपाइँ आफैलाई पनि यसले समस्या नपार्ला भन्न सकिन्न ।
- प्लेनमा हाई-हिल्स नलगाउनुस् । यसले खुट्टा दुख्ने समस्या आउनसक्छ । त्यसमाथि पनि टर्मिनलमा बढी हिड्नुपर्ने भयो भने झनै समस्या हुन्छ ।
- बाक्लो ज्याकेट नलगाउनु राम्रो हुन्छ । किनकी प्लेनमा तापक्रम परिवर्तन भईरहन सक्छ । बोक्न सहज हुन्छ भने बरु ज्याकेट बोक्दा हुन्छ तर आवश्यक परेको बेलामा मात्र लगाउन सक्नुहुन्छ ।
- हवाई यात्राका क्रममा आउ-जाउ हुने कपडा नै राम्रो हुन्छ । साथै कपडाले सरिरबाट निस्कने म्वैस्चर सोस्ने खालको हुनु राम्रो हुन्छ । कटन, सिल्क वा लिनेन फेब्रिक कपडा लगाउनु राम्रो हुन्छ ।
- खुट्टामा मोजा वा स्कटिंग नलगाउनु राम्रो हुन्छ । विशेष गरी गर्भवती महिलाहरुले यो कुरा ख्याल गर्नुपर्छ । यसको कारण ब्लड सर्कुलेशन अझै रोकिन सक्छ ।
- प्लेनमा पाईजामा नलगाउनुस्, यो जति लगाउन सहज भएपनि यो घरकै लागि हो । यदि रातको समयको फ्लाईट छ र फ्लाइटमै सुत्नुपर्ने छ भने मात्र पाईजामा लगाऊनुस तर घुम्दा नलगाएकै राम्रो ।
- प्लेन भित्र हावा ड्राई हुन्छ । ह्युमिडीटी पनि १०-२० प्रतिशत बढी हुन्छ । यसैले चस्मा लगाउनु राम्रो हुन्छ ।
1621421639-1730352532.jpg)
