व्यस्त जीवनशैलीको कारण धेरैजसो मानिसहरु रातभर उठिरहेका हुन्छन्। तीमध्ये धेरैजसोलाई रातमा निन्द्र पर्दैन। विश्वभरका मानिसहरु इन्सोमेनियाबाट आक्रान्त छन्। नेपालीहरु पनि 'इन्सोमेनिया'बाट अछुत रहन सकेका छैनन्।
अमेरिकाका एक तिहाइभन्दा बढी युवाहरुले नियमित रुपमा पर्याप्त निन्द्रा प्राप्त गरेको हुँदैनन्। २५ प्रतिशत बालबालिकालाई निदाउन गार्ह्रो हुने गर्छ। कारण धेरै छन्।
वर्तमान शहरिया जीवनशैली र सामाजिक संजाल को बढ्दो प्रयोगले अनिन्द्रा जटिल समस्या बन्दै गएको छ । प्रतिस्पर्धा,र इन्टरनेटको जमानाले हाम्रो निन्द्रा विथोलिएको छ । यहि अनिन्द्रा कै कारण मानब स्वास्थ्यमा अनेकौ रोगले आक्रमण गर्ने क्रम बढ्दो छ ।
उमेरले २० वर्षको हाराहारीमा रहेको एक स्वस्थ व्यक्ति दिनमा आठ घन्टा सुत्नुपर्ने हुन्छ । तर, जति उमेर बढ्दै जान्छ, त्यति निद्रा घट्दै जान्छ । उमेरअनुसार मस्तिष्कको परिपक्वता बढ्दै जाने भएकाले निद्रा पनि उमेरअनुसार फरक पर्ने हुन्छ । निद्रा लागेन भन्दै स्लिपिङ ट्याब्लेट खानु भने हुँदैन ।
अनिन्द्रले ग्रस्त मानिसहरु छिटो–छरितो समाधान खोजीरहेका छन् । त्यही कारण निन्द्रा लाग्ने औषधी अर्थात सिल्पिङ ट्याबलेट प्रयोग गर्ने क्रम बढ्दो छ । स्लिपिङ ट्याब्लेट ले तुरुन्तै निदाउन सजिलो त बनाउछ तर दिर्घकालिन असरमा कोमामा समेत पुर्याउछ । यो औषधिको अत्यधिक र गलत प्रयोगले मानिसलाई कोमामा र्पुयाउन वा मृत्यु पनि हुन सक्छ ।
न्युरो साइन्स जर्नलमा प्रकाशित अध्यन अनुसार अन्य व्यक्तिको तुलनामा निद्रा लगाउने स्लिपिङ ट्याब्लेट सेवन गर्नेहरूको कुनै पनि समय मृत्यु हुने खतरा ३६ प्रतिशत बढी हुन्छ । यसको साइडइफेक्ट डरलाग्दो हुने भएकोले पनि चिकित्सकले स्लीपिङ ट्याब्लेट प्रयोग गर्न सल्लाह दिँदैनन् । जब निद्रा नलाग्ने समस्याले गम्भीर रुप लिन्छ, त्यतिबेला मात्र यस्तो सल्लाह दिइन्छ ।
बिज्ञहरुका अनुसार वर्तमान निद्रा विकारको लागि जुन उपचार गरिन्छ त्यो आदर्श उपचार होइन । यसका धेरै अपरोक्ष प्रभाव (साइड इफेक्ट) हुने गर्छन् । लामो समय देखि स्लिपिङ ट्याब्लेटको सेवनले यसको बानी बस्छ र औषधि नखाइकन निद्रा लाग्दैन । यो औषधि झट्टै छोड्न पनि सकिदैन किनकि यसो गर्दा उल्टी हुने, बेचैनी र छटपटि हुने जस्ता थुप्रै समस्या पैदा हुन सक्छन् । चिकित्सकका अनुसार अधिक स्लिपिङ ट्याब्लेट सेवन गरेको खण्डमा हार्ट अट्याकको खतरा ५० प्रतिशतले बढ्छ । निद्राको औषधिमा रहने तत्व जोपिडेमलाई मुटुरोगको कारकतत्व मानिएको छ । तीन महिनाभन्दा बढि स्लीपिङ ट्याब्लेट सेवन गरियो भने दिमागसँग सम्बन्धित विभिन्न समस्याहरु आइपर्न सक्छन् ।
साथै राति सुत्दा स्लीपिङ ट्याब्लेट सेवन गरिएको छ भने दिउसो सवारी साधन वा कुनै मेसिन चलाउदा दुर्घटनाको खतरा बढ्छ किनकी स्लीपिङ ट्याब्लेटले शरीर पूर्ण सन्तुलनमा हुँदैन ।
अनिन्द्र को लागी औषधि सेवन गरेर तत्कालिन समाधान खोज्नु भन्दा चिकित्सकको परामर्श लिनु बुद्दीमानी हुन्छ ।
