हामीमध्ये धेरैको बुझाइमा मुला एक तरकारी वा सलाद मात्रै हो । तर मुलाबारेको हाम्रो बुझाइलाई यतिमै सीमित भने राख्नुहुँदैन ।
पूर्वीय धार्मिक परम्परा अनुसार मुलालाई तल्लो वर्गको तरकारीको रुपमा चित्रण गरिएको पाइन्छ । तर विज्ञहरुका अनुसार मुला मानव स्वास्थ्यका लागि निक्कै नै हितकर मानिन्छ ।
मुला सेवनका फाइदाहरु
१. मुलाले क्यान्सरको जोखिम घटाउने काम गर्छ । मुलामा प्रशस्त मात्रामा पाइने एन्टिअक्सिडेन्टले शरीरका कोषको डिएनए नष्ट हुनबाट बचाउँछ । साथै, नियमित मुला सेवन गर्दा पेट र आन्द्रामा हुने क्यान्सरको जोखिम कम हुन्छ ।
२. मुला पायल्सका लागि अचुक औषधि मानिन्छ । नियमित मुला खाएमा पायल्सको जोखिमसमेत कम गर्छ । यसमा पाइने डाइट्री फाइबर्सका कारण दिसालाई मुलायम बनाउँछ । पाचन प्रक्रिया राम्रो गर्छ । शरीरमा हुने जलनलाई समेत कम गर्न सहयोग गर्छ ।
३. मुलामा पानीको मात्रा प्रशस्त पाइन्छ । यसले शरीरमा पानीको आपूर्ति गर्नुका साथै मिर्गौलाजन्य रोगको जोखिम घटाउँछ ।
४. मुलामा ज्यादै कम मात्रामा मात्र क्यालोरी र फाइबर पाइने भएकाले तौल नियन्त्रण गर्न सहयोग पुर्याउँछ ।
५. मुलाको नियमित सेवनले इन्सुलिनको मात्रालाई नियन्त्रण गर्छ । यसले शरीरमा चिनीको मात्रा नियन्त्रण गर्ने भएकाले मधुमेह रोगीका लागि समेत यो फाइदाजनक हुन्छ ।
६.मुलामा भिटामिन ए, बी र सी पर्याप्त मात्रामा पाइन्छ । यसले आँखाको रोशनी बढाउन सहयोग गर्छ ।
1621421639-1730352532.jpg)
