कुनै पनि खाद्यपदार्थ फ्रिजमा राख्दा ताजा रहन्छ र बासी हुँदैन भन्न प्रचलन छ। तर कुनै खाद्यपदार्थ यस्तो हुन्छ जुन फ्रिजमा राख्दा घातक सिद्ध हुन्छ।
हालै गरिएको एक अध्ययनका अनुसार केही खाद्यपदार्थलाई फ्रिजमा राख्दा यसको रङ्ग र स्वाद समेत फरक पर्न जाने पाइएको छ।
१. गोलभेँडा
फ्रिजमा निकै कम तापमान हुने गर्छ जसले गोलभेँडाको स्वाद खराब हुनजान्छ । साथै यो निकै नरम हुनजान्छ।
२. लसुन
लसुनलाई पनि कोठाभित्र नै राख्दा राम्रो हुन्छ। यसलाई फ्रिजमा राखेको १२ घण्टाभित्रमा सुख्खा हुने गर्छ।
३. प्याज
प्याज फ्रिजमा राख्दा ढुसी पर्ने खतरा हुन्छ। यदि प्याज काटेर फ्रिजमा राखियो भने प्याज सुक्ने हुन्छ। काटेको प्याज फ्रिजमा राख्दा यसको गन्ध अन्य खाद्यपदार्थमा समेत पर्न जान्छ।
४. कफी
कफीलाई फ्रिजमा राख्दा फ्रिजमा भएका अन्य चीजको वासना कफीमा पर्ने कारण कफीको स्वादमा फरक पर्न जान्छ।
५. केरा
केरा फ्रिजमा राख्दा धेरै पाक्ने र नरम हुनुका साथै यसको पोषणतत्वमा समेत कम हुन्छ।
६. खरबुजा
खरबुजालाई कोठाको समान तापमानमा राख्नुपर्छ। यसलाई फ्रिजमा राख्दा यसको भित्रीभाग कडा हुने तथा पोषणतत्वमा समेत कमी आउँछ।
७. मह
मह फ्रिजमा राख्दा यो निकै कडा हुने गर्छ। फ्रिजमा कम तापमान हुनेका कारण महमा क्रिस्टलाइजेशन हुने कारण चम्चाबाट झिक्न समेत गाह्रो हुन्छ।
1621421639-1730352532.jpg)
