काठमाडौं । विश्वमै फैलिएको कोरोना भाइरस (कोभिड-१९) महामारीले नेपालमा पनि उत्तिकै असर पारेको छ । यो समयमा हामीले आफ्नो स्वास्थ्यलाई तन्दुरुस्त बनाइराख्न विभिन्न कुरामा ध्यान दिनुपर्ने आवश्यक छ ।
तपाईंले कोनोनाविरुद्धको खोप लगाए वा लगाउन बाँकी रहे पनि यो समयमा खानपानमा पनि विशेष ध्यान दिनुपर्ने हुन्छ ।
सामान्य समयमा भन्दा हाम्रो शरीरमा औषधिको मात्रा परेपछि हामीमा त्यसको प्रभाव देखिन्छ । यसलाई हाम्रो शरीरसँग मिलाउन हामीले धेरै कुराको ख्याल राख्नुपर्छ ।
जस्तै, खानामा कस्तो खाना मात्र खाने भन्ने कुराले पनि प्रभाव पार्न सक्छ । हामीले खानामा मात्र ध्यान दिन सक्यौं भने पनि रोगसँग लड्न मद्दत पुग्छ ।
कोरोनाविरुद्धको खोप लगाएपछि हामीले हाम्रो पाचन प्रणाली स्वास्थ्य राख्न जरुरी छ । साथै इम्युनिटी पावर बढाउने खानामा पनि ध्यान दिनुपर्छ । हामीले खानामा ध्यान दिनु भनेकै आफ्नो स्वास्थ्यको ख्याल राख्नु हो ।
यस्ता खानामा ध्यान दिऔं :
लसुन प्याज : लसुन तथा प्याजलाई कोरोनाविरुद्धको खोप लगाएपछि खानामा प्रयोग गर्न सकिन्छ । लसुन प्याजले इम्युनिटी पावर बढाउन मद्दत गर्छ । यसमा भिटामिन बी, फाइबर, सेलेनियम, भिटामिन सी र केही मात्रामा क्याल्सियम, तामा, पोटासियम, फलाम र फस्फोरस पनि पाइन्छ । जसले हाम्रो शरीरलाई फाइदा पुर्याउँछ ।
फलफूल : फलफूलहरू जसमा पानीको मात्रा उच्च हुन्छ, यसले खोपका साइड इफेक्टहरूलाई कम गर्न मद्दत गर्छ । यी फलहरू ताजा र राम्रो मात्रामा खानुपर्छ । स्वास्थ्यविज्ञहरु बताउँछन् खोप लगाउनुभन्दा पहिला र पछिमा शरीरमा पानीको मात्रा सन्तुलित राख्न आवश्यक छ । यसले खोपको असर शरीरमा कम हुन्छ ।
हरियो सागसब्जी : कुनै गम्भीर साइड इफेक्टबाट बच्न, सन्तुलित आहार हुनु महत्त्वपूर्ण छ । हरियो तरकारीहरूले रोग प्रतिरोध क्षमता बढाउँछ र पौष्टिक तत्त्व पनि धेरै हुन्छ । हरियो तरकारीहरू पनि पकाउन वा सलादका रूपमा खान सकिन्छ । यसलाई सुप पनि बनाएर पिउन सकिन्छ । हाम्रो नियमित खानामा हरियो तरकारी अधिक हुनु निकै राम्रो हो ।
पानी : भ्याक्सिन लिएपछि सबैभन्दा महत्त्वपूर्ण कुरा आफैंलाई हाइड्रेटेड राख्नु हो । यसले मानव शरीरलाई सक्रिय राख्छ र साइड इफेक्ट पनि कम हुन्छ । स्वास्थ्य विशेषज्ञहरू भन्छन्, ‘त्यो एक खोपअगाडि एक दिन र केही दिनपछि धेरै पानी पिउनुपर्छ । दिमागमा यो राखौं कि हामी चिसो पानीभन्दा पनि उमालेको, सकिने भए मनतातो पिउनु वाञ्छनीय हुन्छ । पिउने पानी सामान्य तापक्रममा हुनुपर्दछ । पानीबाहेक तरल आहार पर्याप्त लिनुपर्छ ।
राम्रो निद्रा : खोप लिनुअघि देखि राम्रो निद्रा प्राप्त गर्नु महत्त्वपूर्ण छ । चिकित्सकहरू भन्छन्- कि राम्रो निद्रा नपाउँदा प्रतिरक्षामा प्रभाव पार्छ, त्यसैले आरामदायी निद्रा आवश्यक छ ।
फाइबर युक्त खाना : फाइबर-युक्त सम्पूर्ण अन्नले चाँडो प्रभाव बढाउँदछ । भ्याक्सिनको खोपको असर कम गर्दछ । सम्पूर्ण अनाज, खैरो चामल, मकै, गहुँ, जौं आदि ।
बेसार : बेसार एक प्राकृतिक प्रतिरक्षा मानिन्छ । यसले तनाव कम गर्न, पाचन सही राख्न र शरीरको सुजन कम गर्न धेरै मद्दत गर्छ । हामी दिनमा एक वा दुईपटक बेसारपानी पिउन सक्छौं । वा रातमा सुत्नुअघि बेसार र दूध पनि पिउन सकिन्छ ।
1621421639-1730352532.jpg)
