जाडो मौसम छालाका लागि अनुकूल समय मानिँदैन । त्यसैले जाडोको मौसम शुरु भएसंगै छालामा सुख्खापना बढ्दै जान्छ ।जाडो मौसममा बाहिरी वातावरण सुख्खा हुने भएकाले हाम्रो छालामा पनि त्यसको असर देखा पर्छ । यसरी चिसो मौसममा छालामा विभिन्न समस्याहरु देखापर्छन् ।
जाडोमा पहिला ओठ सुख्खा हुने समस्या देखापर्दछ । त्यसपछि शरीरका बिभिन्न भागका छालामा समेत यस्तै असर देखापर्ने हुन्छ ।कतिपय अवस्थामा छाला सुख्खा हुदाँ चिलाउने तथा कहिलेकाही कन्याउदा कन्याउदै घाउ समेत हुने गर्दछ । यस्तो हुनुको पछाडि परिवर्तन भइरहने मौसममा छाला घुलमिल हुन नपाउदै अर्को मौसम शुरु हुनु हो ।जसबाट बच्न नसके छाला फुट्ने तथा अन्य समस्याहरुको सामना गर्नुपर्ने हुन्छ ।
जाडोमा किन बढ्छ छालामा सुख्खापन ?
जाडो मौसममा वायुको आद्रता कम हुने गर्छ । जसका कारण हावामा पानीको मात्रा कम हुन्छ । त्यस्तै, जाडोमा पानीको सेवन कम हुने तथा शरीरबाट पसिना कम आउने भएकोले पनि जाडोमा छाला सुख्खा हुने गर्छ ।
जाडोमा हाम्रो शरीरको तापक्रम बाहिरी वातावरणको भन्दा कम हुन्छ । त्यसैले पनि हाम्रो शरीरको ताप वातावरणले तान्न थाल्छ । जसले हाम्रो शरीरबाट पानीको मात्रा छिन्न गराउछ र छाला सुख्खा हुन थाल्दछ । यस्तोमा सबैभन्दा बढी असर पर्ने भागमा अनुहार, हात, खुट्टा लगायतका भाग पर्ने गर्दछन् ।
छाला सुख्खा हुनबाट जोगाउने उपाय
- जाडो मौसममा पुरा शरीर ढाकिने पहिरन लगाउनु पर्दछ ।
-यस मौसममा हरियो सागसब्जी खाने तथा प्रशस्त पानी पिउने गर्नुपर्दछ ।
- छालामा टासिने गरी भित्रि लुगा लगाउदाँ सुती कपडा प्रयोग गर्नुपर्छ ।
- मनतातो पानि बाहेक धेरै तातो वा चिसो पानिले सीधै नुहाउनु हुदैन ।
-दुई चम्चा नुनलाई एक बाल्टी मनतातो पानीमा मिसाएर नुहाएमा छाला सुख्खा हुन पाउदैन ।
- जाडोमा साधारण साबुको सट्टा उच्च मोस्टराइज भएका साबुनको प्रयोग गर्नुपर्छ ।
- नुहाएपछि हल्का भिजेको शरीरमा तेल वा बडि लोसन लगाउने गर्नु पर्दछ ।
- यदि हातखुट्टा फुट्ने समस्या भएमा मनतातो पानीमा नुन राखेर डुबाउने गर्नुपर्दछ ।
- शरीरलाई ओसिलो राख्न तेल, पेट्रोलियम जेली अथवा मोइस्चराइजर लगाउने गर्नुपर्दछ ।
- यदि यि उपायले पनि छालाको सुख्खापना कम भएन भने चिकित्सकको सुझाव लिनुपर्छ ।
