आरसिटी परिचय
प्राकृतिक दाँतभित्र रहेको नलीलाई किटाणु शोषण गरेर भर्ने र भविष्यमा फेरि संक्रमण हुन नदिन सिल गरेर प्राकृतिक दाँतलाई नै मुखभित्र जोगाएर राख्ने प्रक्रिया आरसिटी हो ।
आरसिटी किन गर्नुपर्छ । हाम्रो मुखमित्र रहेका सुक्ष्म जीवाणुहरुले दाँतको भित्री पत्र अर्थात् पल्पसम्म पुग्ने बाटो पाए भने दाँतको नशा संक्रमित हुन जान्छ । जसका कारण हाम्रो दाँत दुख्न सक्छ । अथवा गिजामा पिप जम्न सक्छ । यस्तो अवस्थामा हामीले आफ्नो प्राकृतिक दाँतलाई नझिकिकन दुखाइ कम गर्न आरसिटी गर्नुपर्ने हुन्छ।
आरसिटी कुन-कुन अवस्थामा गर्न सकिन्छ ?
-दाँत सड्नुका कारण दाँतको नशा संक्रमित भई दाँत दुखेको अवस्थामा ।
-समयमा उपचार नगराउँदा संक्रमण दाँतको नलीबाट निस्किएर हड्डीसम्म पुगेर गिँजा पाकेको अवस्थामा अथवा कहिलेकाही अनुहार,गाला,घाँटी दुखेको अवस्थामा।
-चोटपटक लागेर दाँतको नशा मरिसकेको अवस्थामा।
-चोटपटक लागेर दाँत भाँचिएको अवस्थामा।
आरसिटी गर्दाे र गरिसकेपछि ध्यान दिनुपर्ने कुराहरु
-उपचाररत्त अवस्थामा नरम खालका खानेकुरा मात्रै खाने -
- मुख स्वास्थ्यको उचित हेरविचार गर्ने जस्तै उचित तरिकाले दाँत माझ्ने
-चिकित्सकको सल्लाहअनुसार दाँतमा खोल राख्ने ।
-कडा खानेकुरा नटोक्ने । -चिकित्सकको सल्लाह अनुसार फलो अपमा जाने ।
-उपचार सकिए पश्चात् पनि ६ महिनामा चिकित्सककोमा जाने ।
आइसिटीका फाइदाहरु
-प्राकृतिक दाँतलाई नझिकिकन नै दुखाई कम गर्नुका साथ साथै त्यसलाई मुखभित्र नै जोगाएर राख्न सकिन्छ ।
-प्राकृतिक मुस्कान तथा दाँतको कार्यक्षमतालाई कायम राख्न सकिन्छ ।
-प्राकृतिक दाँतहरु झिकी नक्कली दाँत लगाउने विकल्पहरुको खर्च र दीर्घकालीन असरबाट बच्न सकिन्छ ।
आइसिटीका चरणहरु
दाँतको नलीलाई सफा गर्ने
-यस चरणमा किटाणुनाशक औषधि विशेष यन्त्रहरुको सहायताले संक्रमित नशालाई हटाइन्छ र दाँतको नलीलाई सफा गरिन्छ ।
-दाँतको जरा भर्ने
-किटाणु शोषण गरिसकेपछि दाँतको नलीलाई एक विशेष प्रकारको पदार्थले भरिन्छ ।
-दाँतमा खोल लगाउने ।
-आरसिटी गरिसकेपछि दाँत पहिलेको भन्दा केही कमजोर हुने भएकोले यसलाई भाँचिनबाट जोगाउन दन्त चिकित्सकको सल्लाह बमोजिम खोल लगाउनुपर्ने हुन्छ ।
-आरसिटी गरिसकेको दाँतमा पुन संक्रमण हुने सम्भावना हुन्छ या हुँदैन ।
-आरसिटी गरिसकेको अवस्थामा पनि दाँतमा पुन संक्रमण हुन सक्छ । तर दाँत आफ्नो अधिकांश भाग गुमाएको छैन भने पुन आरसिटी गरेर दाँतलाई जोगाउन सकिन्छ ।
