काठमाडौं । स्वस्थ जीवनका लागि पर्याप्त निन्द्रा अत्यावश्यक पर्छ । स्वस्थ रहनका लागि पौष्टिक तत्वयुक्त खानेकुराको पनि आवश्यकता पर्छ । कतिपयलाई पौष्टिक तत्वयुक्त खानाका साथै पर्याप्त निन्द्रा पनि स्वस्थ जीवनको सुचक हो भन्ने थाहा नहुन पनि सक्छ ।
कतिपयको धेरै सुत्ने बानी हुन्छ भने कतिपयको विभिन्न कारणवश थोरै सुत्ने बानी हुन्छ । धरै जसो चाँही कहिले धेरै समय सम्म सुत्ने कहिले थोरै समय सुत्ने बानी हुन्छ । यसले गर्दा पनि पर्याप्त निन्द्रा पुगेन भने हामी अस्वस्थ बन्न पुग्छौँ । त्यसकारण हामीले ठिक समयमा सुत्ने ठिक समयमा उठ्ने गर्नु पर्दछ ।
समा पनि हामीले ध्यान दिनु पर्ने कुरा के छ भने उमेर अनुसार फरक – फरक अवधिमा निन्द्रा पुरा गर्नुपर्दछ । अमेरिकाको राष्ट्रिय निद्रा फाउन्डेसनले गरेको अनुसन्धानअनुसार उमेर अनुसार सुत्ने अवधि फरक हुन्छ ।
कुन उमेरसमूहका मानिसले कति समय सुत्ने ?
शून्यदेखि तीन महिनाको बच्चाले १४ देखि १७ घन्टा सुत्नुपर्छ ।
चारदेखि ११ महिनाको बच्चाले १२ देखि १५ घन्टा सुत्नुपर्छ ।
एकदेखि दुई वर्षको बच्चाले ११ देखि १४ घन्टा सुत्नुपर्छ ।
तीनदेखि पाँच वर्षको बच्चाले १० देखि १३ घन्टा सुत्नुपर्छ ।
६ देखि १३ वर्षको बच्चाले नौदेखि ११ घन्टा सुत्नुपर्छ ।
चौधदेखि १७ वर्षको किशोरले आठदेखि १० घन्टा सुत्नुपर्छ ।
अठारदेखि ६४ वर्षको मानिसले आठदेखि नौ घन्टा सुत्नुपर्छ ।
पैंसट्ठी वर्षभन्दा माथिको मानिसले सात घन्टा सुत्नुपर्छ ।
1621421639-1730352532.jpg)
