एजेन्सी । हरिया तरकारीहरु स्वाथ्यका लागि एकदमै लाभदायक हुन्छन् । हरिया तरकारी मध्ये बेथेको सागलाई स्वास्थ्यका लागि राम्रो मानिन्छ । प्रायः बेथे सबै तिर सजिलै पाइन्छ । यसलाई मन नपराउँने मान्छे विरलै होलान् । बेथे दुई किसिमका हुन्छ । एक सामान्य हरियो पात भएको र अर्कौ रातो पात भएको हुन्छ । बेथेअहिलेको मौसमी सागपात हो। यस्का आठ फाइदाहरु यस्ता रहेका छन् ।
१. यसको प्रयोगले विभिन्न रोगबाट मुक्ति मिल्छ । मिर्गौलाको पत्थरी निकाल्नका लागि बेथेको साग उपयोगी मानिन्छ । मृगौलाको पत्थरीका बिरामीका लागि यो अमृत नै मानिन्छ । बेथेको साग थुप्रै औषधिको गुणले भरिपूर्ण हुन्छ ।
२. बेथेमा फलाम, फस्फोरस, भिटामिन डी र क्षार धेरै मात्रामा पाइन्छ । यो शुक्रवर्धक र कब्जियत भगाउन लाभकारी मानिन्छ । कलेजोसम्बन्धी रोग, अजीर्ण, ग्यास, जुका, पत्थरी, पेट घोच्ने समस्यालगायतबाट मुक्ति मिल्छ ।
३. भोक नलाग्ने, खाना ढिलो पच्ने, डकार, पेट फुल्नेजस्ता समस्या हटाउन पनि बेथे लाभदायक हुन्छ । पिसाब, मूत्राशय, मृगौलासम्बन्धी रोग निको पार्न र छालासम्बन्धी रोगमा समेत यसको उपयोग प्रभावकारी मानिएको छ ।
४. बेथेमा कार्बोहाइड्रेट, प्रोटिन, क्याल्सियम र भिटामिन ए, मिनिरल्स र आइरन प्रचुर मात्रामा पाइन्छ । यसमा सोना धातु पनि पाइन्छ जो कुनै अन्य सागसब्जीमा पाइँदैन । औषधिका रुपमा बेथेका पंचागं अर्थात पाँच अंग ९जरा, डाठ, पात, फल र फूल० लाई प्रयोग गरिन्छ ।
५. बेथेको तरकारी नियमित सेवन गरेमा वाथ यूरिक एसिड, रक्त र त्वचा विकार टाढा हुन्छ ।
६. बेथेमा खनिज तत्त्वको मात्रा अमलामा भन्दा बढी हुन्छ । बेथेले शरीरमा फलामको कमी हुन दिँदैन । यसले आमाशयलाई बलियो बनाउँछ ।
७. बेथेको सबैभन्दा ठूलो गुण भनेको शरीरमा भएका सबै प्रकारका विषहरूको निवारण गर्नु हो । बेथेलाई विषनिदान नाम दिइएको छ ।
८० यसका लागि आधा किलो बेथेको साग उमालेर छान्नुपर्छ र त्यसमा मरिच, जीरा र हल्का रुपमा सिधे नुन मिसाएर दिनमा चारपटक पिउने गर्नुपर्छ ।
