काठमाडौं । स्याउका फाइदाबारे सवैलाई थाहा नहुन सक्छ । बजारमा सबैभन्दा बढी बिक्ने फलफुलमा गनिन्छ स्याउ । स्याउ खानमा जति मिठो हुन्छ स्वास्थ्यका लागि पनि उत्तिकै लाभदायी हुन्छ । यसमा मानव स्वास्थ्यका लागि आवश्यक पर्ने विभिन्न पौष्टिक तत्वहरु पाइन्छन् ।
अझ हरियो स्याउ त मानव स्वास्थ्यका औषधि समान नै मानिन्छ । हरियो स्याउ अलिअलि अमिलो हुने गर्दछ, तर पोषकतत्व, खनिज र भिटामिनले भरिपूर्ण हुन्छ । यसमा उच्च फाइबर हुने भएकाले शरीरको मेटाबोलिज्म बढाउन मद्दत गर्दछ ।
हरियो होस् त रातो नै किन नहोस् स्याउको छाला नफाली खानुपर्छ । बोक्रासहित खानु स्वास्थ्यका लागि सबैभन्दा फाइदाजनक हुन्छ । यसले कलेजो तथा पाचनप्रणालीमा हानीकारक तत्वलाई नष्ट गर्दछ, साथै रगतमा चिनीको मात्रा नियन्त्रण गरी मधुमेहबाट बचाउन मद्दत गर्दछ ।
के के छन् त फाइदा ?
तौल घटाउन
हरिया स्याउ फाइबरले भरिपूर्ण हुनुका साथै, चिल्लोको मात्रा, सुगर र सोडियम पनि कम हुने गर्दछ।यसमा क्यालोरी बर्निङ (जलाउने) क्षमता पनि अधिक हुन्छ, जसकारण यसले तौल घटाउन मद्दत गर्छ।
कलेजोका लागि फाइदा
यसमा प्राकृतिकरुपमै डिटक्सीफाइङ एजेन्ट र एन्टीअक्सिडेन्ट गुण रहेको हुन्छ । यी एन्टीअक्सिडेन्टले लिभरमा हुने खराब चिजबाट बचाउन मद्दत गर्दछ । यसले कलेजो सुन्निनबाट जोगाउँछ।
फोक्सोका लागि फाइदा
हरियो स्याउको नियमित उपयोगले धुम्रपान गर्नेहरुको हत हटाउन सकिन्छ। यसको जुस पिउनाले मानव स्वास्थ्यलाई अझ फाइदा हुन्छ।
बुढ्यौली हुनबाट बचाउँछ
हरियो स्याउमा हुने एन्टी अक्सिडेन्ट, भिटामिन ए, भिटामिन सी एवं फिनोल तत्वले समयभन्दा पहिले बुढो हुनबाट बचाउँदछ । शरीरमा हुने फ्री रेडिकल्सले चाउरीपना, डार्क सर्कलहरु निम्त्याउने गर्दछ । यसको उपयोगले शरीरमा फ्री रेडिकल्ससँग लड्ने प्रतिरक्षा विकास हुन्छ र यसबाट हुने प्रभावबाट बचाउने गर्दछ ।
रक्तश्राव नियन्त्रण गर्न
हरियो स्याउको रसले रगत जम्नलाई मद्दत गर्दछ । यस्तो स्याउहरु नियमित खानाले घाउ छिटो ठिक हुने गर्दछ ।
त्यस्तै महिनावारीको समयमा धेरै रक्तश्राव हुने महिलाले यसको रस पिएमा राहत पाउन सक्छन् । रक्तश्राव नियन्त्रणमा यसले ठूलो भूमिका निमाउँछ ।
