काठमाडौं । खुल्ला हृदयले हाँस्नु मानिसको प्राकृतिक स्वभाव हो । हाँस्न कुनै मूल्य लाग्दैन, बरु यसले करौडौं मूल्यको खुशी दिन भने सक्छ । हाँसोले मानिस बोल्न नसक्ने कुरालाई समेत भाव बुझाउन सक्छ ।
मुस्कुराउनु, फिस्स हाँस्नु, रुञ्चे हाँसो हाँस्नु, हाँस्नु, अट्टहासले हाँस्नु हाँसोका प्रकारहरु हुन् । मानिसको अनुहारमा हाँसोले धेरै ठूलो महत्व राख्दछ । विशेषतः मानिस खुशी हुँदा, आफ्नो हितको कुरा पाउँदा, अडियो, भिडियो, फोटो हरेर, अक्षर पढेर वा विगत, वर्तमान र भबिष्य सम्झेर पनि हाँस्ने गर्दछन् । हाँस्नु खुशी व्यक्त गर्ने माध्यम मात्र नभई एक प्रकारको उपचार पनि हो । यसका धेरै फाइदाहरु छन्।
यी हुन हाँस्नुका फाइदाहरु
– फुर्सदको बेला हाँस्ने मानिसको स्वास्थ्यमा यसले निकै लाभ गर्दछ ।
– हाँस्ने मानिसको मस्तिष्कमा सकारात्मक असर परी नकारात्मक भाव कम हुन्छ ।
– हाँस्दा श्वासप्रश्वास तथा मांसपेशी क्रियाशिल भई शारीरिक मजबुति बन्दछ ।
– हाँस्दा अङ्ग प्रत्यङ्ग खुम्चने र फुक्ने हुन्छ । यसले हर्मोन रिलिज भई अक्सिजन प्रवाह हुन्छ ।
– हाँस्दा फोक्सोको विकार कार्बनडाइअक्साइड बनि बाहिर निस्कन्छ र शरीर निरोगी हुन्छ ।
– हाँस्ने मानिसको शरीरमा क्याटाबोलिक सक्रिय भई मुटुको धड्कन नर्मल हुन्छ ।
– हाँस्दा शरीरको रक्तसञ्चार प्रणाली उत्तेजित हुने तथा मांसपेशी बलियो बन्ने गर्दछ ।
– हाँस्ने मानिसमा तनाव कम हुन्छ । तनाव कम हुने मानिसको आयु लामो हुन्छ ।
1621421639-1730352532.jpg)
